jueves 20 de febrero de 2020 - 19h30
Presentación "La Rebelión de la cultura en Asturias"
Asturies vivió dende finales de la década de 1960 una notable actividá al traviés de dalgunes sociedaes culturales qu'apostaron pola cultura popular y participativa. El últimu llibru del catedráticu Benigno Delmiro Coto, "La rebelión de la cultura en Asturias. Las sociedades culturales frente al franquismo", estudia con profundidá asociaciones tan relevantes na hestoria asturiana como Gesto, La Sociedá Cultural Gijonesa o la Asociación Cultural La Amistad de L'Entregu y la so llabor divulgativa y de promoción cultural, en contraposición al pensamientu únicu que proponía l'estau franquista qu'ostentaba el poder.
Pa esta presentación, vamos cuntar con un representante de la Fundación Juan Muñiz Zápico como editora del llibru y por supuestu col autor de la obra, que amás de vivir en primera persona parte d'esti relatu, vivió la so infancia nesti pueblu, polo que vamos poder rememorar anécdotes per cercanes.
Organizado por La Semiente
