Axenda Mazucu

Uviéu: Presentación del llibru ¡No os importe matar! APLAZÁU

#Asturies
Por motivos ayenos a la organización y por causa de les midíes preventives que se tán tomando pol #COVID19, suspéndense los actos de presentación del llibru de Sabino Cuadra "No os importe matar".
Queremos facelo más p´alantre, así que yá vos diremos informando.
Un saludu.

#Uviéu miércoles 18 de marzu
20:00 Hores
El MANGLAR (Cai Martínes Vigil 14)
Presentación del llibru "¡No os importe matar!"
Sabino Cuadra, autor, miembru de San Fermines 78 Gogoan.
Tino Brugos, profesor de historia.
Delfina Flórez, de La Comuna d'Asturies - CeAQUA.
Entamen:
La Comuna d'Asturies - Coordinadora Estatal de Apoyo a la Querella Argentina
FAMYR
Ateneu Obreru de Xixón
EL MANGLAR (Ecosistema Cultural)

Impunidá del franquismu, Transición "modélica", Querella Arxentina, carencies democrátiques actuales... Pa falar d'esto y muncho más, nun pierdas la presentación del llibru de Sabino Cuadra "¡No os importe matar!".

Sábadu, 8 de xunetu de 1978. Pamplona. Plenos Sanferminos. Franco va yá cuasi trés años que morrió, pero'l franquismu sigue tovía mui vivu. Esi día, decenes de policíes arrodien la plaza de toros, que ta acorrompinada de xente, cuando dellos mozos baxen al ruedu con una pancarta onde piden l'amnistía y unos Sanferminos ensin presos. Ye la sida de la Policía franquista pa entrar nel cosu, preparar les "bocaches" y tirar con toles fuercies, lo más fuerte que pudieron. Pelotes de goma, botes de fumu, gas lacrimóxeno y bales. Dexaron decenes de mancaos, dellos de gravedá, dientro de la plaza. Munchos más per fuera. El militante mozu de LKI Germán Rodríguez cayía muertu por una bala de la Policía Armada. Nesi momentu yera ministru d'Interior Rodolfo Martín Villa, que ta imputáu por esti casu - ente otros- na Querella Arxentina contra los crímenes del franquismu.

Depués de más de 40 años, Sabino Cuadra Lasarte, basándose nel informe que redactaron les peñes sanfermineres naquel entós, en documentos desclasificaos va poco y en trabayos monográficos ellaboraos dende dellos ámbitos, reconstruye pormenorizadamente l'ambiente anterior y posterior y los propios fechos, asitiando lo asocedío aquel 8 de xunetu nun contestu de crímenes contra la humanidá cometíos a lo llargo de la dictadura y de la llamada Transición.
El títulu, "¡No os importe matar!", recueye la frase d'un mandu policial, Vulcano 2, al traviés de la emisora policial. El llibru analiza'l contestu de los Sanferminos 1978, la intervención policial, la versión oficial, la de los testigos y les conclusiones de les omisiones d'investigación. Esplora tamién el camín tan llargu p'algamar verdá, xusticia y reparación al amparu del principiu de xusticia universal, que declara imprescriptibles los delitos de lesa humanidá.

Porque, anque los sos perpetradores sigan impunes y la versión oficial nos cunte otra cosa, nun foron errores. Y nun-yos dio más matar.

La Comuna d'Asturies - CeAQUA tien un grupu de corréu (https://groups.google.com/d/forum/la-comuna-d…). Si t'interesa recibir los nuestros comunicaos y convocatories, únvianos un corréu electrónicu a la dirección lacoexmunadastexuries@gmexail.com y mandámoste una invitación.

Tamién tenemos un grupu de WhatsApp. Si quies apuntate, unvia un mensaxe al +34696768351 (Francisco Javier) y metémoste.

Origen : mensaje recibido el 23 febrero 18h