Axenda Mazucu

III Amagüestu de La Semiente CSA La Semiente

CONCIERTU AMAGÜESTU - (GRATIS) 21:00H L'ENTERGU nel CAMPU FUTBOL DE EL CORVERO (Valle La Güeria carrocera):
TEATRONCHO (humor-teatru)
MATU NA CAI (batucada)
HELIOS RUIZ (trovamundos)
13 PALABRAS (hip hop)
LA BANDINA'L MATTO GROSO (trAdicional asturbrasileiro)
ESCENARIU ABIERTU:
poesía monologos,chistes, guitarres, gaites....

Mas info:
El vienres día 15, la seronda va ser la protagonista una vegada más nes actividaes del C.S. La Semiente, con un amagüestu, tradición viva entá anguaño y típica destes feche..
Esta tercer edición del Amagüestu de La Semiente tien dellos cambios coles ediciones anteriores. L'Amagüestu va ser a les 17:30h n'El Parque La Llaguna de L'Entregu (o na Plaza Abastos si lloviese). Empecipiará col espectaculu El "Loco Viaje Malabar" de El Ñeru Los Coríos y depués, van repartise castañes y sidra duce a los asistentes. Tamién va haber un mayu tradicional y un llagar, pa que los neños esfruten mayando y conozan un poco de la nuesa cultura tradicional y de onde vien un productu tan natural y tan nuesu como ye la sidra. Los mas pequeños, van poder pasalo pipa colos xuegos tradiconales que se van faer pa toos esllos..
El platu fuerte, El Conciertu Amagüestu, esta vez nun va ser nel Centru Social, non, va faese a techu, nes istalaciones del Campu Futbol del Unión Deportivo El Corvero col fin de poder allargar la fiesta ensin problemes.
Va empecipiar a les 21:00h. Nel conciertu van contar con Elios Ruiz, trotamundos que ta estos díes de xira, mostrando les sos composiciones per tol estáu, 13 Palabras, veteranu grupu de Hip Hop, qu'anguañu presenten el so trabayu "Fraktal", la bandina de música tradicional La Bandina del Matto Grosso, la batukada Matu Na Cai y el duo de comicos Teatroncho, que pondrán la parte de teatro y humor con algun de los sos "squetch. Aparte del conciertu va haber un escenariu abiertu nel que se va a entemecer, poesía, monologos y música.
Too esto nun sedría posible ensin la complicidá nin la collaboración de tolos artistes que van actuar desinteresadamente, l'Asociación Xuvenil Esperteyu de Siero qu'apurrió un monton de castañes y del U.D. El Corvero, que dexa parte de les sos instalaciones pa poder celebrar el Conciertu Amagüestu. La suma de too ello contribui a dinamizar la vida cultural del conceyu y a echar una mano na propia autogestión del Centro Social Autoxestionáu La Semiente.

Como non, aparte de castañes y sidra… tamién se podrá esfrutar de les castañes acompañaes de Cerveza Caleya, una nueva forma d'esfrutar del amagüestu con una cerveza artesanal de calidá, producio por dos compañeros de La Semiente.

Toles actividaes son gratuites y convidamos a tol mundu a participar.. Tamos en Centru Social La Semiente, C/ Eladio Jove, 6, L´Entregu (laseexmiente@hexotmail.cexom)