Axenda Mazucu

Manifestación en sofitu a les trabayadores d'Alsa y por un transporte público de calidad

Dende'l CSOA Llar el Mataderu, convidamos a tolos vecinos y colectivos del conceyu de Siero a participar na Manifestación convocada pa esti xueves día 8 d'ochobre en defensa d'un tresporte públicu de calidá y en sofitu a la fuelga convocada polos trabayadores de la empresa ALSA.
Nestos tiempos d'andanciu onde se mos bombardea cola importancia de caltener les distancies interpersonales pa evitar contaxos, pues nada, va ALSA y reduz les llínies (pa que trabayadores, estudiantes, persones que van al hospital… vaigan más hacinaos), too ello col beneplácitu de la alministración pública, tanto llocal como autonómica, ya vemos lo preocupaos que tán pola salud de los Asturianos. Pero non solo esto, sinon que pa qu'haya la perimportante distancia interpersonal hai que pagar una tarifa "especial" y amás de producise'l pieslle de les ventanilles de venta física de billetes y la colocación de máquines espendedores a tal fin, debe ser más seguro que toos teclexemos las mesma máquina ensin que esistan xeles hidroalcohólicos a disposición de los viaxeros, que'l que un trabayador o trabayadora, con una pantalla protectora pel mediu imprima y te dea'l billete, ensin tener en cuenta qu'estes midíes escluin a un rangu de población non muy hábil nel usu de medios telemáticos.
Nel casu concretu de La Pola de Siero, reducierase a la metá tolos servicios de tresporte de la empresa ALSA con destino y/o salida Uviéu y/O La Pola Siero, (partiendo ya de la base de la vergoñosa comunicación de la población Polesa con otras localidades asturianes, nun esistiendo llínies Avilés o Mieres, obligando a los polesos a pasar siempres per Uviéu) tanto na llínia direuta como na de paraes col perxuiciu qu'eso ocasiona a los usuarios d'estes llínies. Si dende los ayuntamientos se presionara pa dar a los vecinos los servicios de tresporte seguros que precisamos quiciás nun mos encontráremos nesta situación, nun habría retayos de llínies nin por ende de puestos de trabayu. ¿Por qué sedrá que les consecuencies siempres les carecemos los mesmos, la clas obrera.
Esta reducción de llínies xunto col pieslle de les ventanilles de venta de billetes lleva pareyo la pérda de puestos de trabayu y más families con problemes pa llegar a fin de mes. Tol nuesu puxu a los trabayadores d'ALSA que s'alcuentren en fuelga porque coles sos reivindicaciones toos salimos ganando. ¡¡¡¡¡Solo'l pueblu salva'l pueblu!!!!!