tema : Historia
Comentar (0)EnviariCalCompartir

viernes 4 de diciembre de 2020 - 18h45

Salvemos la Fábrica de Gas:Alderique sobre'l futuru del patrimoniu industrial

Salvemos la Fábrica de Gas: alderique sobre'l futuru del patrimoniu industrial y les necesidaes del barriu

Torna #LaLlegraOnline con un tema d'actualidá n'Uviéu pero que pue ser d'interés pa cualquier requexu d'Asturies: la importancia de poner en valor el patrimoniu industrial y la falta d'espacios públicos pa usu y disfrute de la población.

El nuesu país ta estráu d'equipamientos que fueren buque-insignia del puxu industrial de la economía asturiana. Desaniciada esta, quédennos bayura d'espacios valeros d'actividá industrial pero qu'inda puen ser útiles pal usu popular de los mesmos. Nun Uviéu cásique monopolizáu pol lladriyu y la nueva construcción atopámonos énte un equipamientu, el de la Fábrica de Gas, que ye hestoria pura de la ciudá y, xunto cola Fábrica d'Armes, dos de los exemplos de patrimoniu industrial qu'inda caltién la llocalidá.

P'aldericar sobre'l so valir y les sos posibilidaes cuntamos nesta ocasión cola doctora María Fernanda Fernández, historiadora del arte y especialista na arquitectura industrial d'Asturies. Nesti alderique vamos tener tamién al doctor José Ramón Puerto, arquitectu y profesor, vicedecanu del Colexu d'Arquitectos d'Asturies. La mesa complétase cola presencia de Waldo Valbuena, miembru de l'asociación Uviéu en Redondo, qu'agrupa a persones y colectivos de la zona antigua de la ciudá.

L'oxetivu que nos marcamos dende La Llegra con esta charra ye claru: dar a conocer y poner en valor estos equipamientos industriales d'Uviéu y abrir un alderique públicu col envís de da-yos una salida pública, pa que podamos reivindicalos y utilizalos toes y toos.

Esperámosvos dende les 18.45h del vienres 4 d'avientu na canal de YouTube de La Llegra: youtube.com/LaLlegra, participando, comentando y arriqueciendo'l debate.

Organizado por Espaciu La Llegra