lunes 22 de febrero de 2021 - 0h
Corri per Asturies, corri pol Sáhara
Depués de 20 ediciones y ente la situación sanitaria a nivel mundial en 2021, el Sahara Marathon, l'eventu deportivu y solidariu organizáu pol Ministeriu Saharaui de Mocedá y Deporte que recorre dellos campamentos saharauis, tresfórmase en carrera a distancia, na que baxo l'eslogan "pel mundu enteru" va poder participar cualquier persona dende'l so país.
Asina, el Llar La Llegra, xunto cola Cosara (Comunidá Saharaui residente n'Asturies), quier animavos a participar y sofitar esti eventu en favor de la llibertá y l'autodeterminación del pueblu saharaui que se va celebrar ente'l 22 y el 28 de febreru. El Sáhara Occidental necesítanos como nunca, nun momentu perdificil nos campamentos pola pandemia de la COVID a lo que se suma la ruptura de la tregua per parte del Reinu de Marruecos.
Pa participar solo se necesita la inscripción online en http://www.saharamarathon.org/ pa depués, en tando disponible la app que va grabar la carrera, descargala y cumplir la distancia qu'escoyamos (5, 10, 21 o 42km) la selmana de la carrera.
Amás úfrese la opción de collaborar col pack solidariu. El dineru aportáu (15€ pola inscripción na carrera, y/o 25€ pol pack solidariu) va destinase a una ayuda directa a families saharauis necesitaes, cola compra y distribución d'una cesta básica d'alimentu comprada en comercios saharauis.
En tando inscrites, podéis mandar un mensaxe a La Llegra p'asina tener rexistru de cuántos kilómetros corremos n'Asturies pola llibertá del Sahara Occidental, reforzando los llazos que vienen texendo'l pueblu saharaui y l'asturianu dende va años.
"L'aire del desiertu va llevar la voz del pueblu saharaui pel mundu enteru"
Evento de Espaciu La Llegra
