martes 8 de junio de 2021 - 19h
Presentación col autor del llibru "10.306 dientro del Tor des Glaciers"
El corredor ultramaratonianu de montaña Fernando González Rodríguez va presentar el martes 8 xunu, a les siete de la tarde, nel CSA La Xusticia (Cai Valentín Ochoa 5, La Felguera) el so llibru 10.306. Dientro del Tor des Glaciers, nel que recueye les sos esperiencies na preba deportiva del mesmu nome, que disputó nel Val d'Outa o Valle d'Aosta, nos Alpes, con un percorríu de más de 450 kilómetros en poco más de siete díes.
Esti deportista xixonés, trabayador portuariu y sindicalista, completó va unos años el retu del Grand Slam Marathon, que consiste en facer de principiu a fin una preba con una distancia igual o superior a un maratón (42,195 kilómetros) en caún de los siete continentes y subcontinentes del planeta y nel Polu Norte. El títulu del mentáu llibru, un diariu autoeditáu n'edición billingüe asturianu-castellanu, fai referencia al tiempu que-y llevó completar la carrera de montaña Tors des Glaciers: 10.306 minutos.
"Muncho más qu'una carrera. Muncho más qu'una aventura. Lo más duro que'l mío cuerpu y la mío mente conocieron…, fasta agora. "
