sábado 26 de febrero de 2022 - 11h
Festival LeidiFés nel CSA L'Apiaderu
El Centru Social Autoxestionáu (CSA) L'Apiaderu (El Remediu-Nava) acueye ente'l 25 y el 27 de febreru el festival LeidiFés L'Apiaderu. Ye la primera edición d'esti eventu organizáu por un garrapiellu de muyeres integrantes y simpatizantes d'esti centru nel que se quier abrir un espaciu d'intercambiu, conocimientu, sororidá y complicidá. Un alcuentru pa deprender, compartir esperiencies y saberes y pa planear el próximu, que yá fae falta.
👩🏽❤️💋👩🏽Ye un festival non mestu, namás pa muyeres y persones que s'identifiquen asina. Persones trans son mui bienveníes, pero desanimamos la participación de xente non binaria con pene. Nesti LeidiFés L'Apiaderu va haber teoría, práctica, arte, música y gana de más.
