sábado 2 de abril de 2022 - 10h30
II Xornaes de Memoria Histórica de Piloña
¡YÁ TAN EQUÍ LES II XORNAES DE MEMORIA HISTÓRICA DE PILOÑA!
2 y 3 d'abril en L'Infiestu
Esti añu Les Ablanes continuamos con esta iniciativa tan prestosa qu'entamamos l'añu pasáu cola asociación @_reflexu
Como ya vos comentamos neses I xornaes, el pasáu traumáticu d'Asturies tien que ser visibilizáu y les persones que formaron parte del mesmu tienen que ser la voz que rellate un nuevu discursu históricu y social que permita, asina, ayudar a entender verdaderamente la Historia Contemporánea del nuesu pueblu.
Ye por ello qu'esti añu les xornaes, en primer llugar, allóñense un poco de lo académico, que tamién tará presente, pa acercarse a conocer testimonios de primer mano que vivieron y sofrieron la represión franquista.
Amás, nun nos escaecemos de que l'arte ye tamién un camín que permite acercase a conocer la memoria de les nueses güeles y güelos, ye dicir, la propia. Por ello, en segundu llugar, la música y la poesía tamién tarán presentes nes xornaes.
Por últimu, creyemos que la meyor forma de conocer esi pasáu traumáticu ye percorrelu de forma física y entender que'l paisaxe que nos arrodia ta enllenu de buelgues que la guerra y la represión dexaren.
Por too ello, animámosvos a que vengáis pa caltener la memoria asturiana encesa.
La entrada ye de baldre hasta completar l'aforu.
La semeya del cartelu y el diseñu son orba de @Leti Cernuda