jueves 12 de mayo de 2022 - 18h
¿Falamos d'Estatutos?¿Falamos d'Asturies?
¿Aldericamos sobre l'estatutu que pudo tener Asturies? ¿Falamos de la "marca Asturies" nestos 40 años "d'autonomía"? ¿Quies sentir opiniones sobre les necesidaes y el futuru institucional y l'estatus políticu que merez esti país?
Esti xueves, a les 18h, esperámoste nel salón d'actos de la Facultá de Psicoloxía de la Universidá d'Uviéu (Plaza Feijoo) con una mesa redonda onde van participar trés persones d'estremaos ámbitos sociales, dende l'enseñu universitariu hasta'l mundu cultural, dende'l sindicalismu hasta la sanidá pública: la historiadora Margarita Fernández Mier; el músicu, etnógrafu y sanitariu Xosé "Ambás" y el profesor d'historia y miembru de la permanente de SUATEA Tino Brugos.
Amás, quiciás podamos entamar a cuntavos dalgo más sobre esti proyectu llamáu Aína que queremos dir desgranando y emburriando nes selmanes vinientes. Si nun queréis perdelo, yá sabéis ónde atopanos. ¡Vémonos el xueves!
