miércoles 22 de junio de 2022 - 19h30
La Ronda Norte y la estroza del Naranco: alternatives pa una ciudá más sostenible
El próximu miércoles 22 de xunu, a les 19.30h, cuntamos cola presencia en La Llegra de tres persones implicaes na llucha escontra la Ronda Norte y la defensa del Naranco, amenazáu por una autopista de seis carriles con túneles defendida poles autoridaes polítiques del conceyu y del país.
Guadalupe Bobes, portavoz de la plataforma vecinal "Alternatives sostenibles a la Ronda Norte d'Uviéu", Kaila San Fabián, participante na asociación "El Viescu" que dispón d'una finca nel Naranco pa promover la soberanía alimentaria y que ta metanes d'un crowdfunding pa financiar la so actividá y Carlos Lastra, de l'Asociación Asturiana d'Amigos de la Naturaleza van plantegar les sos propuestes pa torgar la estroza del Naranco, apurriendo alternatives pa una ciudá más sostenible.
Nel marcu d'un debate sobre la movilidá nes ciudaes, la calidá del aire y la xeneración d'espacios urbanos menos invasivos, l'exemplu de los coleutivos que tán oponiéndose a esti megaproyeutu pue apurrir puntos de vista mui interesantes pa plantegar alternatives a una iniciativa que cuenta col preste del conceyu d'Uviéu y el presidente d'Asturies.
Arrímate a conocer l'estáu de les coses, los argumentos de les participantes y ¡garra la pallabra! #RondaNorteNon
Evento de Espaciu La Llegra
